Raja's Shairi

Haathoon ki…

rao00 — Sun, 24 Jun 2007 15:01:16 +0000

Hathoon ki lakire’n kismat hoti hai
Milna aur bhool jana fitrat hoti hai
is rah main ranj milta hai bator-e-inaam
ab jan gaye hum,yehi mohabat hoti hai!

Tanhaai

rao00 — Sun, 24 Jun 2007 15:00:47 +0000

Tumse nahi, tanhai se darte hain
Pyaar se nahi, judaai se darte hain
Tumhe paana ya khona to naseeb hai,lekin
Kismat ko aazmane se darte hain!

Aag

rao00 — Sun, 24 Jun 2007 14:53:17 +0000

Aag lagai thi to silgha bhi dena tha
Kafan na mila to dafan kar dena tha
Koi poochta anjaam-e-maut tum se, to,
rog humara Ruswaai bata dena tha

Tabeer

rao00 — Sun, 24 Jun 2007 14:52:42 +0000

Aik khawab tha par tabeer na thi
aik chehra tha par haqiqat na thi
Khayal hi kaafi tha behlane ke liye
par is khawab mei kyo sachai na thi?

Pehchaan

rao00 — Fri, 08 Jun 2007 20:34:08 +0000

Har muskurahat ki pehchaan nahi hoti

Mohabbat ho ya jang, aasan nahi hoti

Parakhna aasa’n nahi, aansoo kisi chehre pe

Kaash, har Aanso ki bhi koi pehchaan to hoti

Maut

rao00 — Fri, 08 Jun 2007 20:32:56 +0000

Aaj to hum maut ki dua kar ke roye hai’n

Dobara Aaj Khuda se gila kar ke roye hai’n

Kyo’n Na likh saka tu us ko taqdeer mei’n meri

Yeh aik khayal soch kar phir hum roye hai’n

Khamosh

rao00 — Fri, 08 Jun 2007 20:32:14 +0000

Khamosh hoo’n mai lekin inkaar to nahi hai

Meri nakaamyabi hai koi haar to nahi hai

Hum tumhe paa na sake, to kya howa

Lekin sirf tumhe paa lena pyaar to nahi hai

Yakeen

rao00 — Fri, 08 Jun 2007 20:31:41 +0000

Kyo dilaoo’n tumhe Yakeen khud par

Shaak hai koi to aazma kar dekh le

Sona kabhi badalta nahi hai rang apna

Jitni baar dil kare, jala kar dekh le

Ranj

rao00 — Fri, 08 Jun 2007 20:30:59 +0000

Ranj to hai humko door reh kar tumse

Lekin, tumko bhoolne wale hum to nahi

Mil na sake hum tum se, to phir kya hua

Tumhara khayal bhi mulakat se kam nahi

Qafila

rao00 — Fri, 08 Jun 2007 15:55:05 +0000

Chala tha Qafila, Aur hum us ke saath
Roya Tha Aasmaan, aur hum us ke saath
Khuda ka saaya hum par se na utha hota
To Aaj woh humari, aur hum us ke saath